कालेबुङ, 1 फरवरीः राष्ट्रिय राजमार्ग 10 मा फेरि वाहन दुर्घटनाको खबर प्रकाशमा आएको छ।
टिस्टामा वाहन खस्दा पाँचजना यात्रु बेपत्ता बनेको बताइएको छ।
जानकारीका अनुसार त्रिवेणीमा पिकनिक खेलेर गोरुबथानको अम्बियोक बस्ती शिताढुङ्गेतर्फ फर्किरहेको बेला गेल खोला र 29 माइलबीच डब्ल्यूबी 02 वाई 8565 नम्बरको अल्टो गाड़ी टिस्टा नदीमा खस्दा त्यस वाहनमा सवार पाँचजना बेपत्ता बनेका हुन्।
बेपत्ता हुनेहरूमा अशोक राई (चालक), उत्तम राई, अनिशा राई, प्रयास शाह र देशकुमार राई (डल्लु) रहेका छन्।
अम्बियोक बस्ती शिताढुङ्गेबाट हिजो तीनवटा वाहन पिकनिक खेल्न त्रिवेणी आएको र पिकनिक खेलेर घर फर्किरहेको समय डब्ल्यूबी 02 वाई 8565 अल्टो गाड़ी भने बाटैबाट बेपत्ता बनेपछि वाहन टिस्टामा खसेको आशङ्का गरिएको हो।
यो समाचार लेखुञ्जेलसम्म खोजी कार्य जारी छ।
