एक्ट्रेस मनिषा कोइराला ‘लस्ट स्टोरिज’-पछि अब नेटफ्लिक्सको अर्को एक फिल्ममा देखिनेछिन्। फिल्मको नाम ‘मस्का’ हो। यो फिल्ममा उनीसँगै यूट्युब सेन्सेशन शर्ली सेतिया, ‘कवीर सिंह’ फेम निकिता दत्ता र फिल्म ‘हम चार’-का एक्टर प्रीत कमानी पनि देखिनेछन्।
फिल्मका निर्देशन टिभी शो ‘ये है आशिकी’ –का निर्देशक नीरज उधभानीले गर्नेछन्।
मनिषा कोइराला अन्तिमपटक ‘संजू’-मा देखिएकी थिइन्। फिल्ममा उनले सञ्जय दत्तकी आमा नरगिस दत्तको भूमिका निर्वाह गरेकी थिइन्। यो फिल्म बक्स अफिसमा हिट भएको थियो।
अब मनिषा कोइराला फिल्म ‘प्रस्थानम’-मा देखिनेछिन्। यो फिल्ममा सञ्जय दत्त र ज्याकी श्राफ उनका सह-कलाकार रहनेछन्। हालै सञ्जय दत्तको 60औं जन्मदिनको अवसरमा ‘प्रस्थानम’-को टीजर रिलीज भएको थियो। प्रस्थानम 2010 को तेलुगु ब्लकबस्टर फिल्म ‘प्रस्थानम’ हिन्दी रिमेक हो। यो फिल्म आउँदो 20 सेप्टेम्बरको दिन रिलिज हुनेछ।
