गान्तोक, १ नोभेम्बर : नातिले बोज्यूको हत्या गरेको घटना प्रकाशमा आएको छ ।
यो घटना पूर्व सिक्किमको रम्फूस्थित माझीगाउँको हाउजिङ कलोनीमा आज मध्याह्न भएको हो ।
नवीन बराइली नाम गरेका २७ वर्षीय नातिले आफ्नी ८२ वर्षीय बोज्यू सुकमाया बराइलीको घाँटी सर्जिकल ब्लेडले रेटेर हत्या गरेको पुलिसले बताएको छ ।
यो घटना आज मध्याह्न भएको हो ।
पुलिसले हत्या आरोपितलाई पक्राउ गरी केरकार गर्नका साथै अनुसन्धान शुरू गरेको छ ।
शवलाई पोस्टमर्टमका लागि गान्तोक सोचेग्याङस्थित एसटीएनएम पठाइएको छ ।
