दार्जिलिङ, २ मार्चः पहिलोपटक चुनाउ लडिरहेको हाम्रो पार्टीले दार्जिलिङ नगरपालिकाको चुनाउ जितेको छ।
हाम्रो पार्टीले १८ सिट जितेको छ। यद्यपि पार्टी प्रमुख अजय एड्वर्ड्स भने पराजित भएका छन्।
वार्ड नम्बर २२-मा एड्वर्ड्स गोर्खा जनमुक्ति मोर्चाका उम्मेदवार ज्ञाने सिंहविरुद्ध पराजित भएका हुन्।
यो जीतलाई हाम्रो पार्टीका नेता रोबर्ट छेत्रीले दार्जिलिङका जनताको जीत बताउँदै सबैलाई बधाई दिएका छन्।
आज मतगणना शुरु भएदेखि हाम्रो पार्टीले लिड गरेको थियो।
अर्कोतर्फ, भारतीय गोर्खा प्रजातान्त्रिक मोर्चा (भागोप्रमो)-ले ८, गोर्खा जनमुक्ति मोर्चाले ४ र तृणमूल कङ्ग्रेसले २ जीत जितेको छ।
