कालेबुङ, २ अक्टोबरः लक्ष्मण प्रधान गुट गोर्खा लीग मीना सुब्बा गुट गोर्खा लीगमा विलय भएको छ।
आज कालेबुङ ११ माइलस्थित कमल कुटीरमा बसिएको सभाबिच लक्ष्मण गुट गोर्खा लीगका लक्ष्मण प्रधान, एसके प्रधान, उगम लामा र भोटु छेत्री मीना सुब्बा गुट गोर्खा लीगमा सामेल भएका हुन्।
यसअवसरमा मीना सुब्बा गुट गोर्खा लीगका नेता प्रताप खाती पनि उपस्थित थिए।
उल्लेखनीय छ, गोर्खा लीग, मीना सुब्बा गुट, भारती तामाङ गुट र लक्ष्मण प्रधान गरी तीनवटा गुटमा विभाजन भएको थियो। तर आज लक्ष्मण गुट र मीना सुब्बा गुट गोर्खा विलय भएपछि अब गोर्खा लीग मीना सुब्बा गुट र भारती तामाङ गुट गरी दुई गुट मात्र भएका छन्।
