गान्तोक, ३ जनवरी: उत्तर सिक्किमको लाचुङ खोलाले एकजना पर्यटकलाई बगाएको छ।
जानकारीका अनुसार बिहारको भागलपुरबाट सिक्किम घुम्न आएका २१ वर्षीय अभिषेक कुमारलाई आज बिहान लाचुङ खोलाले बगाएको हो।
खोलाको ढुङ्गामा उभेर सेल्फी खिच्ने क्रममा चिप्लेर पानीमा खस्दा लाचुङ खोलाले बगाएपछि पर्यटक कुमार बेपत्ता बनेका छन्, जसको खोजी कार्यमा पुलिस र स्थानीय लागिपरेका छन्।
प्राप्त जानकारीका अनुसार अभिषेक कुमार आफन्त र साथीहरूसँग १ जनवरीका दिन लाचुङ घुम्न आएका थिए।
समाचार/फोटो स्रोत: नर्थ सिक्किम टुडे
