शाहरुख खानले आफ्नी पत्नी गौरीलाई हनिमुनमा पेरिस घुमाउँछु भनेर दार्जीलिङ ल्याएका थिए। उनीहरूको विवाह भएको आज 27 वर्ष भइसकेको छ। 27 वर्षपछि आफ्नी पत्नीलाई झूट बोलेको कुरालाई बलिवुडका किङ्ग खानले खुलासा गरेका छन्।
यो खुलासा यद्यपि रोचक छ। शाहरुख खान र गौरीको लभ स्टोरी कुनै फिल्मभन्दा कमको छैन। दुवैको भेट, त्यसपछि त्यो भेट प्रेममा रूपान्तर, अनेकन् समस्या झेलेपछि दुवैको विवाह यी घटनाहरूलाई तपाईंले नजिकबाट हेर्नुभए लाग्छ फिल्म हेरिरहनुभएको छ।
भर्खरै शाहरुख खानले गौरीको दार्जीलिङ भ्रमणबारे खुलासा गरेका छन्। एक अवार्ड शोअवधि उनले आफ्नो हनिमुनसँग सम्बन्धित रोचक कुरा साझा गरे। शोलाई सञ्चालन गरिरहेका विक्की कौशलले दार्जीलिङमा खिचिएको शाहरुख-गौरीको एक तस्वीर देखाएर उक्त तस्वीर पछिल्तिरको कथा सोधे।
शाहरूखले भने, “यो मलाई मनपर्ने तस्वीर हो। जतिबेला मेरो विवाह भएको थियो, त्यसबेला म अत्यन्त गरीब थिए। गौरी मध्यम वर्गीय परिवारकी थिइन्। विवाहपछि अरुरुले जस्तै मैले पनि गौरीलाई पेरिस लगेर एफिल टावर देखाउने वचन दिएको थिए, तर यो वचन झूटो थियो, किनभने मसित त्यसबेला त्यति धेरै पैसा थिएन। यद्यपि मैले उनलाई कसैगरी फकाएँ।
शाहरुखले थप भने, “राजू बन गया जेन्टलम्यानको एउटा गीतको सुटिङका लागि हामीलाई दार्जीलिङ जानुथियो। मैले सोचे, गौरी कहिल्यै विदेश गएकी थिइनन्। यसैले उनलाई विदेशबारे उति धेरै थाहा थिएन। त्यसैले मैले पेरिस भनेर गौरीलाई दार्जीलिङ लिएर गएँ। त्यहीं मैले हनिमुन मनाएँ।”
उल्लेखनीय छ, शाहरुख खान र गौरीको पहिलो भेट एउटा पार्टीमा भएको थियो। त्यसबेला शाहरुख खानको उमेर 18 वर्ष थियो। गौरी ती पहिलो युवती थिइन्, जोसँग उनले डान्स गरेका थिए। दुवैले 25 अक्टोबर, 1991-मा विवाह गरेका थिए।
