 |
| युएनका महासचिव एन्टोनियो गुटरेसबाट पुरस्कार ग्रहण गर्दै भारतीय प्रधानमन्त्री नरेन्द्र मोदी। |
नयाँदिल्ली, 3 अक्टोबर : प्रधानमन्त्री नरेन्द्र मोदी च्याम्पियन्स अव् द अर्थ अवार्डले सम्मानित भएका छन्। भारतीय प्रधानमन्त्रीले संयुक्त राष्ट्रका महासचिव एन्टोनियो गुटरेसको हातबाट च्याम्पियन्स अव् द अर्थ पुरस्कार ग्रहण गरे।
यस अवसरमा गुटरेसले प्रम मोदीको प्रशंसा गरे। उनले भने, “भारतीय प्रधानमन्त्रीले नरेन्द्र मोदीले जलवायु पर्वर्तनबाट हामीलाई सोझै खतरा छ भन्ने कुरा स्वीकारेका छन्।’’ उनी बुझ्छन्, यो आपदाबाट बाँच्नका लागि हामीलाई के कुराको आवश्यकता छ। उनका अनुसार ग्रीन इकोनमीको योगदान आगामी दशकमा ठूलो रहनेछ। “प्रधानमन्त्री मोदीले पर्यावरणको क्षेत्रमा जुन नेतृत्वको प्रदर्शन गरेका छन्, विश्वका त्यस्तो कमी देखिन्छ’’, उनले भने।
पुरस्कार ग्रहण गरेपछि मोदीले यो सम्मानको श्रेय भारतीय जालहारीहरूलाई दिए, जसले जमिन र समुद्रबाट जति आवश्यक पर्छ, त्यति मात्र लिने गर्छन्। भारतका लागि यो दोहोरो सम्मानको अवसर हो, किनभने कोच्ची हवाइअड्डालाई पनि एक पुरस्कारद्वारा सम्मानित गरियो। “पर्यावरणप्रति भारतको संवेदनालाई आज विश्वले स्वीकार गरेको छ’’, उनले भने।
