थिम्पु, 4 मार्च : शनिबार बिहान करिब १०:३० बजेतिर थिम्पुदेखि सिराङ गइरहेको बस बसोचु नजिक दुर्घटना हुँदा ५ यात्रुको मृत्यु हुनका साथै ६ यात्रु बेपत्ता बनेको भूटान २4x७ ले जनाएको छ। भूटान 24×7 का अनुसार बस सोझै नदीमा झरेकोले ६ यात्रु बेपत्ता बनेका हुन्। ८ जना यात्रुलाई घाइते अवस्थामा उद्धार गरी बाजो अस्पतालमा भर्ती गरिएको छ।
फेसबुक पेज भूटान 24×7 –ले लेखेको छ, बुम्पा ट्रान्सपोस्टको उक्त बस राजधानी थिम्पुबाट सिराङतिर गइरहेको थियो भने बसोचु नजिक दुर्घटनामा परेको हो।
चालकले नियन्त्रण गुमाएपछि बस सोझै नदीमा खसेको बताइएको छ। भूटान 24×7 –ले सूत्रलाई उद्धत गर्दै जनाएअनुसार १९ जना यात्रुले बसमा सवार गरिरहेका थिए। उक्त दुर्घटना परी ज्यान गुमाउनेहरूमा बसका चालक पनि छ।
जुन ठाउँमा उक्त बस दुर्घटना भयो, त्यो ठाउँमा पैह्रोग्रस्त क्षेत्र रहेको पनि बताइएको छ।
