दार्जीलिङ, 4 मई : घूम-जोरबङ्ग्लो क्षेत्रबाट शनिबार 23 घर गोरामुमो समर्थक गोजमुमोमा सामेल भएका छन्। आज गोजमुमो महासचिव अनित थापा घूम-जोरबङ्ग्लो क्षेत्रको भ्रमणमा पुगेका थिए भने सोही समय महासचिव अनित थापाको बाहुलीबाट ती गोरामुमोहरूले गोजमुमोको झण्डा ग्रहण गरेका हुन्।
उल्लेखनीय छ, हिजोमात्र महासचिव अनित थापाकै बाहुलीबाट 180 घर गोरामुमो समर्थकहरूले गोजमुमोको झण्डा थापेका थिए। गत केही दिनदेखि दार्जीलिङ शहरमै डेरा जमाएर बसेका विनयपन्थी गोजमुमोका महासचिव अनित थापाले पार्टीलाई साङ्गठनिक रूपमा बलियो गर्ने कार्य गरिरहेका छन्।
अर्कोतिर अन्य ठाउँका गोरामुमो र विमलपन्थी गोजमुमो समर्थकहरूले पनि अनित थापाको हातबाट झण्डा ग्रहण गर्ने योजना बनाइरहेको दाबी गरिएको छ।
