गान्तोक, 4 मईः सिक्किममा आज फेरि कोरोना संक्रमितको संख्या बढ़ेर दुईसय नाघेको छ।
स्वास्थ्य विभागद्वारा प्राप्त जानकारीअनुसार आज कुल 230 वटा कोविड 19 पोजिटिभ मामिला रेकर्ड गरिएको छ भने एकजनाको मृत्यु भएको छ।
हिजो आरटीपीसीआर, ट्रुनेट र ऱ्यापिड एन्टिजेन टेस्ट गरेर कुल 799 वटा टेस्ट गरिएको थियो, जसमा 230 पोजिटिभ आएको हो।
यसरी राज्यमा हाल कुल सक्रिय सङ्क्रमण मामिला 1 हजार 930 पुगेको छ भने अहिलेसम्मको कुल मामिला 8 हजार 698 पुगेको छ जसमा 6 हजार 426 जना निको भएका छन्।
आज पनि 22 जना कोविड 19 सङ्क्रमण मुक्त भएका छन्।
अहिलेसम्म राज्यमा कोविड 19 सङ्क्रमणको कारण मृत्यु हुनेहरूको सङ्ख्या भने 151 पुगेको छ।
