दार्जिलिङ, ४ जूनः दार्जिलिङ संसदीय क्षेत्रमा राजु विष्टले लगातार दोस्रोपटक जीत दर्ता गरेका छन्।
भाजपाका यी उम्मेदवारले आफ्नो निकटमत् प्रतिद्वन्द्वी तृणमूल कङ्ग्रेसका गोपाल लामालाई एक लाख 78 हजार 5 सय 25 फराकिलो मतान्तरले पराजित गरेका छन्।
विष्टले 6 लाख 79 हजार 3 सय 31 मत पाइसकेका छन्। गोपाल लामाले पाँच लाख 8 सय 6 मत पाएका छन्।
कङ्ग्रेस उम्मेदवार मुनिष तामाङले पाएको मत सङ्ख्या 83 हजार 3 सय 74 छ।
यसपालि पहाडका मत खण्डित हुने सम्भावना र समतलका केही सङ्गठनले तृणमूल उम्मेदवार गोपाल लामालाई खुल्ला समर्थन जनाएका कारण भाजपा उम्मेदवार राजु विष्टको जीत केही कठिन मानिएको थियो।
तर सम्भावना र समीकरणलाई जनताले गलत ठहऱ्याउँदै राजु विष्टलाई नै फराकिलो मतले दोस्रोपटक विजयी बनाएका छन्।
