खरसाङ, ५ अप्रेलः तीनधारेनिवासी गीतकार सुकुमार बराइली पितृ शोकमा परेका छन्। उनका ९० वर्षीय पिता कृष्णबहादुर बराइलीको आज निधन भएको छ।
पारिवारिक सूत्रका अनुसार केही दिनयता उनी बिरामी परेका थिए। आज अपराह्न करिब साढे तीनबजे घरमा नै उनको निधन भएको हो।
लामो समय तीनधारे रेलवे कारखानामा कर्मरत रहेर सिनियर सेक्सन इन्जिनियर विद्युत विभागका पदबाट सेवानिवृत्त भएका कृष्णबहादुर बराइली समाज, भाषा साहित्य र कलाका अनुरागी पनि थिए।
उनले आफूपछि दुई छोरा, दुई छोरी र नाता-नातिनी छाडिगएका थिए।
पारिवारिक सूत्रका अनुसार भोलि अपराह्न उनको अन्तिम संस्कार गरिनेछ।
