 |
| आमिर खान (फाइल फोटो) |
आमिर खान अब ओशो बन्नेछन्। आइतवार आमिर स्वयंले गरेको खुलासा अनुसार आगामी फिल्ममा उनी ओशो बन्न लागेका हुन्।
निर्देशक शकुन बत्राले ओशोको नामले प्रसिद्ध आध्यात्मिक गुरु रजनीशको जीवनमा आधारित फिल्म बनाउँदैछन्।
यो फिल्ममा ओशोको भूमिकाका लागि बत्राले आमिर खानलाई अफर दिएका छन्। यद्यपि फिल्ममा खेल्ने-नखेल्ने निर्णय लिनभन्दा अघि फिल्मको पटकथालाई सम्पूर्ण रूपले हेर्ने बलिउडका मिस्टर परफेक्शनिस्टको भनाइ छ।
यसभन्दा अघि पीटीआईसँग कुराकानी गर्दै निर्देशक शकुन बत्राले ओशोको जीवनमा आधारित कथामा काम गरिरहेको बताएका थिए। उक्त कुराकानीमा उनले भनेका थिए, “यो एक महत्त्वाकांक्षी परियोजना हुनेछ। र यसका लागि मलाई सही मानिसहरूको खाँचो छ।’’
यसभन्दा अघि पीटीआईसँग कुराकानी गर्दै निर्देशक शकुन बत्राले ओशोको जीवनमा आधारित कथामा काम गरिरहेको बताएका थिए। उक्त कुराकानीमा उनले भनेका थिए, “यो एक महत्त्वाकांक्षी परियोजना हुनेछ। र यसका लागि मलाई सही मानिसहरूको खाँचो छ।’’
अर्कोतिर यो फिल्मको सन्दर्भमा आमिर खानले भनेका छन्, “उनले (शकुन)-ले मसँग यो फिल्मबारे चर्चा गरे। म पटकथा सुन्नलाई पर्खिरहेको छु। म यो फिल्ममा खेल्ने-नखेल्ने सबै कुरा पटकथा कस्तो छ, त्यसमाथि निर्भर गर्छ।’’
