दार्जिलिङ, ६ जनवरीः दार्जिलिङमा तीनजना पर्यटक र ८ जना स्थानीय नागरिक कोरोना सङ्क्रमित पाइएका छन्।
उनीहरूको कोरोना जाँच रिपोर्ट आज पोजिटिभ आएको हो।
दार्जिलिङ जिल्ला अस्पतालका सुपरिडेन्डेन्ट डा. सुवाशिष चन्दाले बताएअनुसार हिजो स्थानीय नागरिक र पर्यटक गरी कुल १२० जनाको कोरोना टेस्ट गरिएको थियो, जसमा ११ जना पोजिटिभ पाइयो।
उनका अनुसार कोरोना सङ्क्रमित पाइएका तीनजना पर्यटकमध्ये एकजना कोलकाता तथा दुईजना युकेनिवासी हुन्।
अर्कोतर्फ डा. चन्दाले बिना काम घरबाट बाहिर ननिस्कने तथा कोविड सतर्कता अप्नाउन मानिसहरूसमक्ष अपील गरेका छन्।
