दार्जीलिङ,६ अप्रेलः दार्जीलिङ बजारदेखि करिब ५ किलोमिटर टाढ़ाअवस्थित पातलेबाँसमा वाहन दुर्घटना हुँदा एकजनाको मृत्युको भएको छ, जबकि दुई अन्य घाइते भएका छन्।
पुलिस सूत्रका अनुसार दुर्घटना आज बिहान करिब १०.४५ बजे भएको हो।
दार्जीलिङबाट सब्जी लिएर तकभर चियाकमान फर्किरहेको डब्ल्यूबी ७६ए ७८८२ नम्बरको पिकअप भ्यान पातलेबाँसमा दुर्घटना हुँदा रामचन्द्र प्रधान (६०) –को मृत्यु भएको हो।
मृतक प्रधान तकभर प्रथम विभागनिवासी हुन्। पुलिसका अनुसार मृतक प्रधान नै वाहनका मालिक पनि हुन्।
त्यसैगरी तकभर प्रथम विभागकै निवासीद्वय गौतम राई (४९) र नर्बु जिम्बा (तामाङ) (५८) पनि दुर्घटनामा परी घाइते भएका छन्। उनीहरू दुवैलाई दार्जीलिङ जिल्ला अस्पतालमा भर्ना गरिएको छ।
जानकारीका अनुसार वाहन नर्बु जिम्बा (तामाङ)-ले चलाइरहेका थिए।
