सिलगढ़ी, 6 सेप्टेम्बर : शुक्रवार एनजेपी स्टेशन नजिक एक नवजात शिशु (छोरी)-को शव बरामद भएको घटनाले सनसनी फैलियो। एनजेपी पुलिसले दिएको जानकारीका अनुसार एनजेपी स्टेशन नजिक नवजात शिशुको शव बरामद भएको हो।
स्थानीय मानिसहरूले शिशुको शव फ्याँकिएको अवस्थामा भेटेपछि तत्कालै पुलिसलाई सूचित गरेका थिए।
स्थानीय मानिसहरूमार्फत सूचना पाएपछि घटनास्थलमा पुगेको पुलिसले उक्त नवजात शिशुको शवलाई कब्जामा लिएर पोस्ट मर्टमका लागि उत्तर बङ्गाल मेडिकल कलेज एवं अस्पताल पठाएको छ।
कसले कहाँबाट ल्याएर उक्त नवजात शिशुको फ्याँकेको हो भन्नेबारे पुलिसले जाँच शुरु गरेको छ। उल्लेखनीय छ, केही दिनअघि कालेबुङको 9 माइलमा पनि यसैगरी फ्याँकिएको अवस्थामा नवजात शिशु (छोरी)-को शव बरामद भएको थियो।
