अजय एड्वर्डलाई समर्थन
दार्जिलिङ, ६ सेप्टेम्बरः गोर्खा राष्ट्रिय भूतपूर्व सैनिक सङ्गठनका पूर्व उपाध्यक्ष मणिकुमार राईले अजय एड्वर्डलाई समर्थन गरेका छन्।
अजय एड्वर्डको कर्म देखेर आफू आकर्षित भएर उनलाई समर्थन जनाएको राईले बताएका छन्।
“पार्टीभन्दा जाति ठूलो, जातिभन्दा माटो ठूलो। तर माटो भन्दा ठूलो सेवा देखेँ मैले”, उनले थपे, “त्यसैले म यी नानी (अजय एड्वर्ड)-लाई सदैव साथ दिनेछु। आशीर्वाद दिन्छु।” उनले आजै गोरामुमोबाट राजीनामा दिएका छन्। स्थानीय प्रेस गिल्डमा पत्रकारहरूलाई सम्बोधन गर्दै उनले गोरामुमोबाट राजीनामा दिएको घोषणा गरेका हुन्।
