- योगिता राई
“मलाई रातो रङ मनपर्छ ।
रेड इज भाइ फेवरेट कलर ।”
उसले भनेदेखि नै हो
मलाई रातो रङमा डाह जागेको ।
किन फुल्छ हँ यो गुराँस रातै भएर ?
किन पोल्छ हँ यो रातो रङले गुलाफ भएर ?
जान्छु अब ।
गएर देखाइदिन्छु
उसलाई एकपटक
यो मुटुको रङ ।
तर –
त्योभन्दा पहिला ।
यति अवश्यै भन्नेछु ।
म परेँ यादको लतमा परिसकेको मान्छे ।
यो मुटुजस्तै रक्तिम
तिम्रो सम्झनाको
सर्कै पछिको सर्को तानेर
बेस्मारी मातेका
राता राता यी आँखाका रङ हेर त !
आरन्ट दे योर फेवरेट?
हँ ?
