दार्जीलिङ, 7 अगस्तः रिम्बिक लोधोमा समष्टिअन्तर्गत लोधोमा बजारमा थप 5 जना कोरोना सङ्क्रमित पाइएको छ।
उनीहरू सबैको कोरोना टेस्ट आज पोजिटिभ आएको हो। जानकारीका अनुसार हिजो लोधोमा बजारनिवासी करिब 70 वर्षीय एक वृद्धको शरीरमा कोरोना सङ्क्रमण पाइएको थियो।
आज ती वृद्धका परिवारका सदस्यलगायत उनको सम्पर्कमा आएका अन्य आफन्तको रेपिड एन्टिजेन टेस्ट गरिएको थियो भने 5 जनाको रिपोर्ट पोजिटिभ आएको छ।
कोरोना सङ्क्रमित पाइएकाहरूमध्ये एकजना ती वृद्धकी पत्नीलगायत अन्य चार आफन्त रहेका छन्। उनीहरू सबैलाई आजै उपचारका लागि त्रिवेणी कोभिड अस्पताल लगिएको छ।
यससँगै रिम्बिक लोधोमा समष्टिमा कुल कोरोना सङ्क्रमित सङ्ख्या 8 पुगेको छ, जसमध्ये एकजना धेरै अघि स्वस्थ भएर घर फर्किसकेका छन्।
अर्कोतिर केही दिनअघि कोरोना सङ्क्रमित पाइएका छोटा हट्टानिवासी व्यक्तिका परिवारका सदस्यहरूका कोरोना टेस्ट भने नेगिटिभ आएको बताइएको छ।
