दार्जीलिङ, 7 अक्टोबर : जम्मू-कश्मीरमा पुनः एकजना गोर्खा जवान शहीद भएका छन्। जानकारीका अनुसार कुपवाड़ाको अन्तर्राष्ट्रिय सीमासँग संलग्न क्याम्पमा हिमपातको कारण गोर्खा रेजिमेण्टका २७ वर्षीय राइफलम्यान भीमबहादुर पुन शहीद भएका छन्। उनी हिमाचल प्रदेशको सोलननिवासी हुन्।
जानकारीका अनुसार उनको १० महिनाअघि मात्र विवाह भएको थियो। पिता विजय बहादुर पुनले जानकारी गराए भोलि शहीद भीमबहादुर पुनको पार्थिव शरीर सोलन ल्याइपुऱ्याइनेछ, जहाँ पूर्ण सैनिक सम्मानसहित अन्तिम संस्कार गरिनेछ।
अर्कोतिर हिमपातकै कारण गनर अखिलेश कुमार पटेल पनि शहीद भएका छन्।
अर्कोतिर सेना प्रमुख विपिन रावतले कुनै जवानको उत्सर्गलाई स्मरण गर्दै शोकाकुल परिवारप्रति समवेदना प्रकट गरेका छन्। यसैगरी उत्तरी कमानका प्रमुख रणवीर सिंहले पनि दुवै जवानको वीरगतिलाई सलाम गरी श्रद्धाञ्जलि अर्पण गरेका छन्। साथै दुवै जवानको पार्थिव शरीरलाई पूर्ण सम्मानसहित उनीहरूको पैतृक गाउँ पठाइने बताएका छन्।
