२०१७ की मिस वर्ल्ड मानुषी छिल्लरले चाँड़ै बलिवुडमा डेब्यु गर्नेछिन्। लामो समयदेखि मानुषीको बलिवुड इन्ट्रीलाई लिएर चर्चा चुलिए तापनि कुन फिल्ममार्फत् डेब्यु गर्नेछिन्, त्यो प्रकाशमा आएको थिएन।
यद्यपि ताजा खबरका अनुसार उनी पृथ्वीराज चौहानको बायोपिकमा मानुषी देखिनेछिन्। यो फिल्ममा पृथ्वीराजको भूमिकामा अक्षय कुमार रहनेछन्।
मानुषीका लागि यो ठूलो अवसर हो। अक्षयजस्ता हिरोसँग उनले यशराज फिल्म्सजस्ता ठूलो ब्यानरमार्फत् मानुषीले डेब्यु गर्ने मौका पाएकी छन्। साथै यो फिल्ममा उनले संयोगिताजस्ता दमदार भूमिका निर्वाह गर्ने मौका पाएकी छन्।
मानुषीले आफ्नो भूमिका प्रभावशाली रूपमा निर्वाह गर्नका लागि तयारी पनि शुरु गरेको बताइँदैछ। जानकारीका अनुसार उनले इतिहास आधारित पुस्तक पढ़न शुरु गरेकी छन्। पृथ्वीराज र आफ्नो भूमिकाबारे बढ़ीभन्दा बढ़ी जानकारी लिने कुरामा मानुषीले आफूलाई केन्द्रित गरेकी छन्।
सूत्रका अनुसार यो फिल्मका निर्देशक चन्द्र प्रकाश द्विवेदी प्री-प्रोडक्शनमा व्यस्त छन्। धेरै अघिदेखि उनले यो फिल्मका लागि अभिनेत्री खोजिरहेका थिए। मानुषीको रूपमा प्रफेक्ट अभिनेत्री द्विवेदीले पाएका छन्। चाँड़ै यसबारे आधिकारिक घोषणा गरिने बताइएको छ।
जानकारीका अनुसार फिल्मको सुटिङ यसै वर्षको अन्त्यदेखि शुरु हुनेछ भने २०२० मा रिलिज गर्ने योजना छ। फिल्मको बजेट धेरै ठूलो छ।
