दार्जिलिङ, ८ दिसम्बरः आज तमिलनाडुको कुन्नुरमा सेनाको हेलिकप्टर दुर्घटना हुँदा दार्जिलिङ तकदा चियाकमाननिवासी सतपाल राईको पनि निधन जानकारी पाइएको छ।
उनी चिफ अव् डिफेन्स स्टाफ (सीडीएस) विपिन रावतका पर्सनल सेक्युरिटी अफिसर थिए।
यस दुर्घटनामा परी सीडीएस विपीन रावत, उनकी पत्नी मधुलिकालगायत सेनाका अधिकारीहरूको पनि मृत्यु भएको छ।
हेलिकप्टरमा कुल १४ जना सवार थिए।
हवलदार पदमा रहेका सतपाल राई तकदा चियाकमाननिवासी हुन्। उनले आफूपछि आमा, पत्नी र एक छोरा छाड़िगएका छन्।
राईका छोरा विकल राई पनि सेनामा नै कार्यरत छन्। सतपाल राईको पार्थिव शरीर १० दिसम्बरका दिन तकदा ल्याइपुऱ्याइने पनि जानकारी पाइएको छ।
