कालेबुङ, 9 जनवरीः जनआन्दोलन पार्टी (जाप)-को चेली एकाईकी अध्यक्ष प्रतिभा कुमाई र युवा एकाइका महासचिव भुपेन राईलगायत उनका साथीहरू विनय तामाङपन्थी गोर्खा जनमुक्ति मोर्चामा सामेल भएका छन्।
आज कालेबुङमा सम्पन्न परिवर्तन पदयात्रा र जनसभाको अवसरमा उनीहरू विनयपन्थी मोर्चामा सामेल भएका हुन्। दुवैलाई पार्टी महासचिव अनित थापाले झण्डा प्रदान गरी आफ्नो दलमा स्वागत जनाए।
उनी दुईलगायत विमलपन्थी मोर्चाका भरत घिमिरे पनि आज विनयपन्थी मोर्चामा सामेल भए।
उल्लेखनीय छ, पछिल्ला केही महिनायता जनआन्दोलन पार्टी निष्क्रिय बनेपछि यसका कार्यकर्ताहरू विनयपन्थी मोर्चामा सामेल भइरहेका छन्।
केही महिना चेली एकाइका सदस्यहरू पनि विनयपन्थी मोर्चामा सामेल भएका थिए। त्यस्तै युवा एकाइका प्रवक्ता विशाल राईले पनि पछिल्लो महिना विनयपन्थी मोर्चाको झण्डा समाएका थिए।
