राँची, ९ मार्च : शनिबार झिसमिसे उज्यालोमा राष्ट्रिय राजमार्ग-३३ मा भीषण सड़क हुँदा एकै परिवारका १० जना सदस्यको बीभत्स मृत्यु भएको छ।
तीव्र गतिमा गुड़िरहेका डब्ल्यूबी ३डी २१५६ नम्बरको ट्रक र जेएच ०१ सीजी ६५३७ नम्बरको इनोभा जोड़ले ठोकिँदा यो भीषण दुर्घटना भएको हो। प्राप्त जानकारीका अनुसार राँचीसँग जोड़िएको कुजु क्षेत्रमा आज बिहान लगभग साढ़े चार बजे भएको हो। मृतक सबै एकै परिवारको रहेको बताइएको छ।
यो दुर्घटनामा चालक इनोभामा यात्रा गरिरहेका सबैको घटनास्थलमा नै मृत्यु भएको छ। मृतकहरूमा चार महिलासहित दुई बालक र अन्य पुरुष छन्। जानकारीका अनुसार सत्य नारायण सिंह (७३)-का परिवार बालकको छेवार कार्यक्रम गरी बिहारबाट फर्किरहेको थियो।
पुलिस सूत्रका अनुसार इनोभा कार रङ साइडबाट गुड़िरहेको थियो। रङ साइडमा तीव्र गतिमा उक्त इनोभा गुड़िरहेकै कारण विपरीत दिशाबाट वेगले आएको ट्रकसँग जोड़ले ठोकिएको थियो।
यो ठक्करमा इनोभा कार पूर्ण रूपले क्षतिग्रस्त भएको छ। मृतकहरूलाई पोस्टमर्टमका लागि रामगढ़ सदर अस्पताल पठाइएको छ।
