दार्जिलिङ, ९ जूनः रिम्बिकमा पिक अप भ्यान दुर्घटना हुँदा चालकको घटनास्थलमै मृत्यु भएको छ भने अन्य दुईजना सामान्य घाइते भएका छन्।
सिलगढीबाट सामान बोकेर गएको पिकअप भ्यान आज अपराह्न लगभग ३ बजे रिम्बिक उच्चतर माध्यमिक विद्यालय छेउ दुर्घटना परी मूल सडकबाट लगभग दुई सय फिट तल खस्दा करिब २४ वर्षीय चालक इन्द्र कुमार मगरको घटनास्थलमै मृत्यु भएको हो।
जुन ठाउँमा उक्त पिक भ्यान दुर्घटनामा पऱ्यो, त्यस ठाउँमा कच्चा बाटो थियो । वाहनमा तीनजना सवार थिए।
जानकारीका अनुसार पुलिसले चालक इन्द्र मगरको शवलाई आफ्नो अधीनमा लिएर पोस्टमर्टमका लागि पठाउने तयारी गरिरहेको छ।
