कोलकाता, 10 दिसम्बरः आज अपराह्न डायमन्ड हार्बरतर्फ गइरहेका भाजपा अध्यक्ष जेपी नड्डाको कन्भयमाथि तृणमूल कङ्ग्रेसका समर्थकहरूले हमला गरेका छन्।
कन्भयमा कैलाश विजयवर्गीय, मुकुल राय, दिलीप घोष, अनुपम हाज, शिव प्रकाश, सम्बित पात्र तथा अन्य पनि थिए।
यस हमलासम्बन्धमा गृह मन्त्रालयले राज्य सरकारसँग रिपोर्ट मागेको छ।
जानकारीका अनुसार भाजपा नेताहरूको वाहनहरूमाथि ढुङ्गामूढ़ा गरियो, जसमा केही वाहन क्षतिग्रस्त भएका छन्।
यो हमलाको आरोप तृणमूल कङ्ग्रेसमाथि लागेको छ। हमलाकारीहरूले हातमा तृणमूल कङ्ग्रेसको झण्डा बोकेका थिए।
अर्कोतिर, यस हमलाको भाजपाले तीखो शब्दमा निन्दा गर्दै सत्तारूढ़ तृणमूल कङ्ग्रेसको आलोचना गरेको छ।
बङ्गाल भाजपा अध्यक्ष दिलीप घोषले यस हमलालाई तृणमूल कङ्ग्रेसको पूर्वनियोजित षड़यन्त्रको संज्ञा दिएका छन्।
त्यहीं, कैलाश विजयवर्गीयले बङ्गालको लोकतन्त्र नामको कुनै कुरा नभएको बताएका छन्।
साथै यो हमला डायमन्ड हार्बरका सांसद एवं मुख्यमन्त्री ममता ब्यानर्जीका भदै अभिषेक ब्यानर्जीका गुण्डाहरूले गरेको विजयवर्गीयको आरोप छ।
