दार्जीलिङ, 11 जनवरीः हरिसिंहहट्टा लेबोङ ब्याडमिण्टन एसोसिएशन र राजबारी ब्याडमिण्टन एसोसिएशनको संयुक्त तत्वावधानमा आउँदो 19 जनवरीदेखि खुल्ला ब्याडमिण्टन प्रतियोगिता हुने भएको छ।
आउँदो 26 जनवरीसम्म हुने यस प्रतियोगिताका लागि आयोजक समितिले दार्जीलिङ पहाड़का साथै सिक्किमका खेलाड़ीहरूलाई पनि निम्तो दिएको समितिले बताएको छ।
17 वर्षमुनिका पुरुष एकल, युगलका साथै विभिन्न वर्गमा विभाजन गरिएको यस प्रतियोगितामा भाग लिन चाहने बाहिरका खेलाड़ीहरूलाई बस्नका लागि कम्ती मूल्यमा स्थानीय होमस्टेहरू मिलाइएको पनि आयोजक समितिले जानकारी गराएको छ।
विशेष गरी युवावर्गलाई खेलहरूप्रति आकर्षित गराउने अनि नराम्रो बाटोमा हिँड्नबाट रोक्ने उद्देश्यले नै हरिसिंहहट्टा लेबोङ ब्याडमिण्टन एसोसिएशन र राजबारी ब्याडमिण्टन एसोसिएशन प्रथमपल्ट संयुक्तरूपमा यो प्रतियोगिताको आयोजना गर्ने तय गरेको एसोसिएशनका कार्यकर्ताद्वय क्रमैले गजेन्द्र गुरुङ र शिशिर मोक्तानले बताएका छन्।
स्थानीय लेबोङस्थित गोर्खा स्टेडियममा सम्पन्न गरिने यस खेलको एउटा मूल सन्देश ड्रग्समुक्त समाज निर्माण रहेको उनीहरूद्वयको भनाइ छ।
