कालेबुङ, 11 जुलाईः आज अपराह्न सिक्किमबाट सिलगढ़ीतर्फ गइरहेको डब्ल्यूबी 73 7650 नम्बरको पिकअप भ्यान 29 माइलनजिक दुर्घटनामा परी सोझै टिस्टा नदीमा वाहन खस्दा बनारसनिवासी एक युवक बेपत्ता बनेका छन्।
बेपत्ता बनेका ती युवकका नाम इसब यादव बताइएको छ।
जानकारीका अनुसार इसब यादव सिक्किम युनिभर्सिटीका विद्यार्थी थिए भने आफ्नो पढ़ाइ पूरा गरी घर फर्किरहेका थिए।
अर्कोतिर यस दुर्घटनामा परी वाहनका चालक विजय रोय र एक अन्य घाइते भएका छन्। घाइतेहरूलाई उपचारका लागि पठाइएको छ।
यसैबिच टिस्टा रङ्गीत उद्धार केन्द्रको टोलीले टिस्टामा बेपत्तामा बनेका इसब यादवलाई खोज्ने कार्य गरिरहेको छ। यो समाचार लेखुञ्जेलसम्म ती युवकको पत्तो लागेको थिएन।
अर्कोतिर दुर्घटनाग्रस्त वाहनलाई भने नदीबाट निकाल्ने कार्य चलिरहेको छ।
