सिलगढी, ११ नोभम्बरः यस वर्षको दान साहित्य सम्मान कवि मन प्रसाद सुब्बालाई प्रदान गरिने निर्णय गरिएको छ।
दीर्घकालदेखि नेपाली कविताका क्षेत्रमा विशिष्ट योगदान पुऱ्याएवापत कवि सुब्बालाई यो सम्मान प्रदान गरिने निर्णय गरिएको हो।
दान खालिङ साहित्य सम्मान सिलगडी नेपाली साहित्य संस्थानले प्रतिवर्ष प्रदान गर्नेगर्छ।
हिजो सालबारी मेथीबारीस्थि क्याफे दि ट्विन्समा संस्थानको एक सभा बसियो, जुन सभामा सम्मानका लागि कवि मनप्रसादलाई छनोट गरियो।
यस वर्षको जुरीमा साहित्यकार पेम्पा तामाङ, धन निर्दोष सुब्बा र डा. रागिनी थापा थिए।
सिलगडी साहित्य संस्थानको स्थापना, गिरी जयन्ती र दान खालिङ जयन्तीको छेक पारेर आगामी २६ दिसम्बरका दिन एक कार्यक्रम आयोजना गरी कवि सुब्बालाई खालिङ परिवारको करकमलबाट सम्मान अर्पण गरिनेछ।
सम्मानमा अङ्गवस्त्र, स्मृति चिह्न, प्रमाणपत्र र नगद राशि बिस हजार रहनेछ।
