धर्मशाला, 12 नोभेम्बर : बलिउड अभिनेता आसिफ बसराले आत्महत्या गरेका छन्। उनले हिमाचल प्रदेशको काँगड़ास्थित एक क्याफे परिसरमा आत्महत्या गरेको बताइएको छ।
काँगड़ाका पुलिस एसएसपी विमुक्त रञ्जनले पनि यसको पुष्टि गरेका छन्।
अभिनेता बसराले के कारण आत्महत्या गरेका हुन्, यसबारे भने पत्तो लाग्न सकेको छैन।
काँगड़ाका एसएसपी रञ्जनका अनुसार अभिनेता आसिफ बसराका शव धर्मशालास्थित एक क्याफे परिसरमा झुण्डिरहेको अवस्थामा पाइएको थियो। फोरेन्सिक टिम घटनास्थलमा पुगेको छ।
पुलिसले पनि मामिलाको जाँच शुरू गरेको छ।
27 जुलाई 1967-मा जन्मेका आसिफले ‘परजानियां’ ‘ब्ल्याक फ्राइडे’, ‘वन्स ओपन ए टाइम इन मुम्बई’ र ‘जव वी मेट’ जस्ता फिल्ममा अभिनय गरेका छन्।
यसका साथै उनी सुशान्त सिंह राजपुतसँग ‘काई पो छे’-मा पनि काम गरेका थिए।
यसैगरी आशिफले अमेजोन प्राइमको वेब सिरिज ‘पाताल लोक’ –मा अभिनय गरेका छन्।
