जयगाउँ, 12 नोभेम्बरः आज अलिपुरद्वार जिल्लाको जयगाउँ थानाअन्तर्गत झरना बस्तीमा बङ्गालका भाजपा अध्यक्ष दिलीप घोषको कन्भयमाथि ढुङ्गामूढ़ा भएको छ।
जयगाउँको खोकलामा आयोजन गरिएको जनसभामा उपस्थित हुन आएका घोषको कन्भयमाथि आज मध्याह्न ढुङ्गामूढ़ा भएको हो।
ढुङ्गामूढ़ामा घोषको वाहनलाई आंशिक क्षति पुगेको छ भने कालचिनीका विधायक विल्सन चम्पामारी र भाजपा एसटी मोर्चाका अध्यक्ष कमल पाख्रिनको वाहनका ऐनाहरू फुटेका छन्।
अर्कोतिर, दिलीप घोषले ‘तृणमूल कङ्ग्रेसका गुण्डाहरूले’ ढुङ्गामूढ़ा गरेको आरोप लगाए। यसका साथै राज्यको राजनीति तातिएको छ।
यसअघि पनि तृणमूल कङ्ग्रेसका गुण्डाहरूले आफूमाथि हमला गरेको घोषको आरोप छ।
यसैबीच अलिपुरद्वारका भाजपा सांसद जोन बारलाले पनि जनसंवादसँग टेलिफोनिक कुराकानीअवधि आज भाजपा प्रदेश अध्यक्ष दिलीप घोषको कन्भयमाथि गरिएको ढुङ्गामूढ़ामा तृणमूल कङ्ग्रेसका समर्थकहरू सामेल रहेको आरोप लगाए।
