दार्जीलिङ, 13 फरवरीः रिम्बिक-लोधोमा क्षेत्रमा रहेको बीच गाउँ प्राथमिक पाठशाला जलेर खरानी भएको छ।
आज मध्याह्न आगलागी हुँदा यो प्राथमिक पाठशाला जलेर खरानी भएको बताइएको छ।
आगलागीका कारण भने खुलिएको छैन। स्थानीय गाउँलेहरूले आगो निभाउने सक्दो कोशिश गरे तापनि आगोले केही क्षणमै उग्र रूपले लिएको उनीहरू आगो निभाउन विफल बनेका थिए।
जानकारीका अनुसार पाठशालाभित्र रहेका सम्पूर्ण सरसामान र कागज-पत्र जलेर खरानी भएको छ। आगलागीको घटनाबारे सूचना पाएलगत्तै लोधोमा पुलिस घटनास्थलमा पुगेको थियो।
