सिलगढ़ी, 13 फरवरीः आज सिलगढ़ीको देवकोटा सङ्घमा आयोजित एक कार्यक्रमबीच वरिष्ठ गायिका तथा सङ्गीतकार शान्ति ठटाललाई जगदम्बा श्री पुरस्कार अर्पण गरियो।
पुरस्कार अर्पण गर्न काठमाडौँबाट मदन पुरस्कार गुठीका अध्यक्ष कनकमणि दीक्षित, सदस्यद्वय गणेश रसिक र केदार शर्मा सिलगढ़ी आइपुगेका थिए।
आज एक भव्य कार्यक्रमबीच उनीहरूले जगदम्बा श्री पुरस्कार २०७६ गायिका तथा सङ्गीतकार शान्ति ठटाललाई अर्पण गरेका हुन्।
कार्यक्रममा सिलगढ़ी, खरसाङ, दार्जीलिङ, कालेबुङ र गान्तोक तथा अन्य क्षेत्रबाट सङ्गीत तथा साहित्यका हस्तीहरूका बाक्लो उपस्थिति रहेको थियो।
