कालेबुङ, 14 फरवरीः कालेबुङ खण्ड दुई अन्तर्गत् साक्योङ-एकस्थित ओली गाउँनिवासी प्रकाश विश्वकर्म (सिलाल)-को घर जलेर खरानी भएको छ।
जानकारीका अनुसार आज अपराह्न करिब डेढ़ बजी भएको आगलागीमा उनको घर जलेर स्वाहा भएको हो।
आगलागीमा उनको घरभित्र रहेका सम्पूर्ण सरसामान, कागज-पत्र, रुपियाँ पैसा, गरगहनालगायत अन्य सबै सामान जलेर खरानी भएको छ।
आगो के कारण लागेको हो, त्यसको पुष्टि हुनसकेको छैन।
पीड़ित प्रकाश विश्वकर्मले बताएअनुसार उनीहरूले लगाएको एकसरो लुगाबाहेक सबै सरसामान नै जलेर स्वाहा भएको छ। घटनाको समय उनी घरमा थिएनन्। आफू चर्चबाट फर्किँदा घर लगभग जलिसकेको पनि उनले बताएका छन्।
