सिलगढ़ी, १४ अक्टोबर : सिलगढ़ीको सेवक रोडस्थित इण्टरनेशनल मार्केटमा सोमबार बिहानै आगलागी हुँदा हाहाकार मच्चियो। आगलागीकै कारण मानिसहरूको भागाभाग मच्चिएको थियो।
सूत्रका अनुसार आज बिहानै ९ बजे इण्टरनेशनल मार्केटस्थित ब्याग दोकानमा आगो लाग्यो। हेर्दा हेर्दै आगो छेउछाउका अन्य दोकानहरूमा फैलियो। यसपछि मानिसहरूले घटनाको जानकारी तत्कालै अग्निशमन विभागलाई दिए।
सूचना पाएलगत्तै अग्निशमन विभागका कर्मीहरू तीनवटा दमकल गाड़ीसँग घटनास्थलमा पुगेर कठोर मिहिनेतपछि आगो निभाउन सफल भए। जानकारीका अनुसार शटसर्किटको कारण आगो लागेको थियो। उक्त आगलागीमा लाखौं रुपियाँको सम्पत्ति खरानी भएको बताइएको छ।
