 |
| साङ्केतिक फोटो। |
सिलगढ़ी, 15 नोभेम्बर : बुधवार राति सिलगढ़ीमा भएको वीभत्स सड़क दुर्घटनामा परी एक 6 महिने शिशुसहित दुईजनाको मृत्यु भएको छ भने एकअन्य गम्भीर घाइते भएका छन्।
यो दुर्घटना हिजो राति लगभग ९ बजे स्थानीय उत्तरकन्या संलग्न कमरङ्गागढ़ी ओभरब्रीज नजिक भएको हो। मृतकको नाम प्रदीप मण्डल (32) बताइएको छ।
पुलिसका अनुसार बुधवार राति लगभग 9 बजे प्रदीप मण्डल आफ्नी पत्नी र नानीलाई बाइकमा लिएर अम्बिकानगरबाट कावाखाली गइरहेका थिए। जसै उनी कमरङ्गागढ़ी ओभरब्रीज नजिक पुगे, एक अनियन्त्रित डम्परले उनीहरू चढ़ेको बाइकलाई पछिबाट जोड़ले हिर्कायो। घटनास्थलमै प्रदाप मण्डलको मृत्यु भयो भने शिशुको मृत्यु उत्तर बङ्गाल मेडिकल कलेज एवं अस्पतालमा भयो। यो सड़क दुर्घटनामा प्रदीपकी पत्नी सोमा मण्डल गम्भीर घाइते भएकी छन्, जसलाई उत्तर बङ्गाल मेडिकल कलेज एवं अस्पतालमा भर्ती गरिएको छ।
यो वीभत्स सड़क दुर्घटनापछि क्षेत्रमा क्षेत्रमा केहीक्षण तनाउको स्थिति सिर्जना भएको थियो। यद्यपि घटनास्थलमा पुगेको पुलिसले परिस्थितलाई साम्य बनायो। पुलिसले डम्पर जफत गर्नका साथै चालकलाई हिरासतमा लिएको छ।
