दार्जीलिङ, १६ मई : दार्जीलिङमा एक ड्राइभरले अर्को ड्राइभरको हत्या गरेको घटना प्रकाशमा आएको छ। दार्जीलिङ पुलिसका अनुसार यो हत्या टाइगर हिल क्षेत्रमा बिहीबार सखारै भएको हो।
मृतक चालकको नाम सञ्जय विश्वकर्म (३३) हो। उनी सिंहमारी निवासी बताइएको छ। अर्कोतिर हत्याका आरोपी निखिल राईलाई पुलिसले पक्राउ गरेको छ। पुलिसका अनुसार टाइगर हिलमा गाड़ी पार्किङ गर्ने विषयलाई लिएर सृष्टि भएको विवादकै कारण निखिलले सञ्जयको हत्या गरेका हुन्।
जानकारीका अनुसार आज सखारै दुवैजना ड्राइभर पर्यटकहरूलाई लिएर टाइगर हिल पुगेका थिए। त्यहाँ पुगेपछि गाड़ी पार्किङलाई लिएर यी दुई चालकबीच भनावैरी शुरु भयो। पार्किङको सामान्य विवाद उग्र बनेपछि निखिलले स्क्रू ड्राइभरले सञ्जयको छात्तीमा जोड़ले प्रहार गरे।
