दार्जीलिङ, 16 जुलाईः छात्रासँग यौन दुर्व्यवहारको आरोपमा एक शिक्षक पक्रा गरेका छन्।
छात्रा-शिक्षकको पवित्र सम्बन्धलाई कुत्सित बनाउने यो घटना लोधोमा ग्राम पञ्चायत एक अन्तर्गत बाँसबोटेको हो। आरोपित शिक्षक शरण लिम्बू (28)-लाई हिजै राति पुलिसले पक्राउ गरेको हो आज दार्जीलिङ चलान गरिएको छ।
अर्कोतर्फ, पीड़ित छात्राको मेडिकल जाँचका लागि दार्जीलिङ पठाइएको बताइएको छ।
लोधोमा थानाका ओसी धनञ्जय सरकारका अनुसार पक्रा परेका आरोपित बाँसबोटेस्थित ब्लूमडेल एकाडेमीका शिक्षक हुन् भने चौध वर्षीय पीड़ित किशोरी त्यसै स्कूलकी दशौँ श्रेणीकी छात्रा हुन्।
यी शिक्षक-छात्राबिच अवैध सम्बन्ध अघिबाटै रहेको खुलासा भएको पनि पुलिसले बताएको छ।
यो घटना बुधबार प्रकाशमा आएको हो।
पीड़ित छात्राका परिवारले लोधोमा थानामा प्राथमिकी दर्ता गरेपछि पुलिसले आरोपित शिक्षकलाई पोक्सो कानून अन्तर्गत पक्राउ गरेको हो।
छात्रा-शिक्षकको पवित्र सम्बन्धलाई कलङ्कित पार्ने यस्तो घटना हुनथालेपछि अभिभावकहरू चिन्तित बनेका छन्। धेरै आरोपित शिक्षकविरुद्ध कानूनसम्मत कठोर कारबाही गरिनुपर्ने माग गरेका छन्।
