दार्जीलिङ, 16 जुलाईः महारानी स्कूलको नेचर क्लबद्वारा आज वन महोत्सव पालन गर्दै आज स्कूल परिसरमा वृक्ष रोपन गरियो।
कोविड प्रोटोकल्सलाई ध्यानमा राखेर आजको वृक्ष रोपन कार्यक्रममा सीमित सङ्ख्यामा शिक्षिकाहरूले सहभागिता जनाएका थिए।
आज विभिन्न प्रजातिका एक सय बिरुवा रोपिएको बताइएको छ। कोरोना महामारीका कारण वर्तमानमा अक्सिजनको आपूर्तिमा देखिएका समस्याले पनि वन जङ्गलको महत्त्वलाई थप बढ़ाएको बताउँदै महारानी स्कूलका शिक्षिकाहरूले रोपिएका बिरुवाहरूलाई पछिसम्म स्याहार सुसार गर्ने सङ्कल्प गरेका छन्।
