कालेबुङ, 17 फरवरी : कालेबुङको अलगढ़ामा एउटा सुकेको रूख ढलेर वाहन र घरलाई किच्चाएको घटना प्रकाशमा आएको छ। यो घटना आइतबार अपरान्ह लगभग 3 बजेतिर घटेको हो।
अलगढ़ा बजारको मेक्सिकन वार्डस्थित पीएचई कम्पाउण्डमा रहेको एउटा सुकेको रूख छेवैमा पार्किङ गरेर राखिएको वाहन र दिलीप तामाङको घर क्षतिग्रस्त भएको छ।
क्षतिग्रस्त भएको उक्त सेतो रङको डब्ल्यूबी 79/6826 नम्बरको अल्टो गाड़ी नगेन्द्र प्रसादको रहेको बताइएको छ।
दुर्घटनाको समय दिलीप तामाङको परिवारका सदस्यहरू घरमा कोही नभएकोले भाग्यवश ठूलो दुर्घटना हुन जोगिएको थियो। अलगढ़ा खण्ड विकास अधिकारीले दुर्घटनास्थलको निरीक्षण गरेको बताइएको छ।
