गान्तोक, 17 मार्चः राज्यको प्रमुख विपक्षी राजनीतिक पार्टी सिक्किम क्रान्तिकारी मोर्चा (एसकेएम) पार्टीले पहिलो चरणमा आइतवार ९ उम्मेद्वारको नाम घोषणा गरेको छ।
एसकेएम पार्टी अध्यक्ष पीएस गोलेले पश्चिम सिक्किमको हि-गाउँमा आयोजित एक सभामा पश्चिम सिक्किमका दुईवटा, पूर्वका दुईवटा, दक्षिणका दुईवटा, उत्तरका दुईवटा र एकमात्र सङ्घ सीटको निम्ति उम्मेदवारको नाम घोषणा गरे।
पश्चिम सिक्किमको योकसम-टाशीडिङ समष्टिको निम्ति साङ्गे लेप्चा, दरामदिन समष्टिको निम्ति एमएन शेर्पा, पूर्व सिक्किमको खाम्दोङ-सिङ्तामको निम्ति डा. एमके शर्मा (ढकाल) र स्यारीको निम्ति निवर्तमान विधायक तथा पार्टीका कार्यवाहक अध्यक्ष कुङ्गानिमा लेप्चा, दक्षिण सिक्किमको राङ्गाङ-याङ्गाङ समष्टिको निम्ति आरके बस्नेत, नाम्ची-सिङ्गिथाङको निम्ति गणेश राई, उत्तर सिक्किमको जङ्गु समष्टिको निम्ति छुङ किपु लेप्चा, लाचेन-मङ्गनको निम्ति सामडुप लेप्चा र सङ्घ सीटको निम्ति निवर्तमान विधायक सोनाम लामालाई टिकट दिइएको छ।
एसकेएम पार्टीले रहल समष्टिको निम्ति आगामी 20 मार्चभित्र आफ्ना उम्मेदवारको नाम घोषणा गर्ने सम्भावना रहेको छ।
