गान्तोक, 18 जनवरीः राज्यस्तरको सुन्दरी प्रतियोगितामा विजयी बन्दै आएकी अनि राष्ट्रियस्तरको प्रतियोगितामासमेत सहभागिता जनाई ‘मिस भारत’-को टाइटल हत्याएकी सिक्किमेली छोरी निशा सुब्बाले अन्तर्राष्ट्रियस्तरको सुन्दरी प्रतियोगितामा सहभागिता जनाउने अवसर पाएकी छन्।
उनले अब मिस एशिया कन्टिनेन्टमा सहभागिता जनाउने भएकी छन्।
यस सुन्दरी प्रतियोगितामा भारतलगायत अन्य विभिन्न देशका सुन्दरीहरूले सहभागिता जनाउने छन्।
यस प्रकारको प्रतियोगितामा राज्यलाई प्रतिनिधित्व गर्ने अवसर प्राप्त गर्दा हर्ष अनि गर्व महसुस गरेको निशा सुब्बाले बताएकी छन्। आफूले प्रतियोगितामा सहभागी बन्न पाउनु पनि गर्वको विषय रहेको उनले विचार व्यक्त गरेकी छन्।
