गोरुबथान, १८ जनवरीः गोरुबथान भुट्टाबारीनिवासी फूलमाया शर्माको घर जलेर स्वाहा भएको छ।
आज बिहान करिब ४ बजे अचानक आगो लागेका कारण शर्माको घर जलेर खरानी भएको हो।
आगोले क्षणिक समयमै उग्र रूप लिएका कारण घरभित्र रहेका एउटै सामान निकाल्न नपाएको बताइएको छ।
यति मात्र होइन, घर छेवै रहेका बाख्रा र कुखुराको खोरमा पनि आगो लागेकाले वस्तुभाऊ जलेर मरेका छन्।
अर्कोतर्फ, फूलमाया शर्माको घरमा लागेको आगोले छिमेकी अमृता शर्माको भान्सा घरलाई समेत आंशिक क्षति पुऱ्याएको छ।
सट् सर्किटका कारण आगो लागेको अनुमान गरिएको छ।
छिमेकीहरूले आगो निभाउन प्रयास गरे तापनि सिलिन्डर पड़्केर आगोले थप उग्र रूप लिएका कारण उनीहरूको प्रयास विफल बनेको बताइएको छ।
