सिलगढ़ी, १८ मार्चः भारतीय जनता पार्टी (भाजपा)-ले सिलगढ़ी विधानसभा क्षेत्रबाट शङ्कर घोषलाई टिकट दिएको छ। शङ्कर घोष केही दिनअघि मात्र मार्क्सवादी कम्युनिस्ट पार्टी (माकपा) त्यागेर भाजपामा सामेल भएका हुन्।
उनी भाजपामा सामेल भएपछि नै सिलगढ़ीबाट टिकट पाउने सम्भावना चुलिएको थियो।
आज भाजपाले पाँचौँ, छैटौँ, सातौँ र आठौँ चरणका लागि १४८ उम्मेदवारको नाम घोषणा गऱ्यो।
आज घोषणा गरिएका उम्मेदवारमध्ये १९ जना महिला उम्मेदवार छन्।
भाजपाले मटिगढ़ा-नक्सलबारीबाट आनन्दमय बर्मन, जलपाइगढ़ीबाट सुजित सिह्ना, डाबग्राम-फूलबारीबाट शिखा च्याटर्जी र फाँसीदेवाबाट दुर्गा मुर्मुलाई टिकट दिएको छ।
