दार्जीलिङ, १९ मार्चः भारतीय जनता पार्टी (भाजपा) नेता बीपी बजगाइँले क्रान्तिकारी मार्क्सवादी कम्युनिस्ट पार्टी (क्रामाकपा) अध्यक्ष आरबी राईसँग आज भेटवार्ता गरेका छन्।
राईसँग भेट गर्न उनी चन्द्रमान धुरा रङ्मुक चियाकमान नै पुगेका थिए।
बजगाइँले यो भेटवार्तालाई मैत्रीपूर्ण भेटघाटको संज्ञा दिएका छन्।
“आज मैले क्रामाकपा अध्यक्ष आरबी राईसँग मैत्रीपूर्ण भेटघाट गरेको हुँ”, जनसंवादसँग टेलिफोनिक कुराकानी गर्दै उनले थपे, “भेटवार्तामा राजनीतिक पहाड़का वर्तमान राजनीतिक स्थितिमाथि सकारात्मक कुराकानी भएको छ।”
पहाड़का तीनवटा सिटमा उम्मेदवारलाई लिएर पेचिलो बनिरहेको अवस्थाबीच बीपी बजगाइँले आज आरबी राईसँग भेट गरेका हुन्।
