दार्जीलिङ, 20 जनवरीः मगरजुङको जितु गाउँनिवासी उदय राईले आफ्नै दाजुको बीभत्स हत्या गरेको पुलिसले जानकारी गराएको छ।
पुलिसका अनुसार 30 वर्षीय उदय राईले आफ्ना 33 वर्षीय दाजु अमिर राईको टाउकोमा डण्ठाले प्रहार गरेर हत्या गरेका हुन्। डण्ठाको प्रहारले अमिर राईको घटनास्थलमा नै मृत्यु भएको थियो।
पुलिसले हत्यारोपी भाइ उदयलाई आफ्नो हिरासतमा लिएको छ। दाजु-भाइबीच के कारणले झगड़ा भएको थियो भन्नेबारे पुलिसले छानबिन गर्नका साथै साथै आरोपी उदयसँग केरकार शुरु गरेको बताइएको छ।
पुलिसका अनुसार यो घट्ना आज बिहान लगभग 7.30 बजीतिरको हो भन्ने पनि पुलिसले जानकारी गराएको छ। मृतक अमिरको शव पोस्टमर्टमका लागि दार्जीलिङ जिल्ला अस्पताल ल्याइएको छ भने यो घटनापछि मगरजुङ क्षेत्रमा सनसनी मच्चिएको छ।
