नयाँदिल्ली, 20 जुलाई : क्रिकेटका भगवान् मानिने सचिन तेन्दुलकरलाई इन्टरनेशनल क्रिकेट काउन्सिलले हल अव् फेममा सामेल गरेको छ। सचिनसँगै दक्षिण अफ्रिकी पूर्व फास्ट बलर एलन डोनाल्ड र अस्ट्रेलियेली पूर्व फास्ट बलर क्याथरिन फिट्जप्याट्रिकलाई पनि आईसीसीले हल अव् फेममा सामेल गरेको छ।
अर्कोतिर हल अव् फेममा सामेल भएपछि यी लिजेन्डरी ब्याट्सम्यानले आफ्ना परिवार, साथी सङ्गी र प्रशंसकहरूप्रति आभार प्रकट गरेका छन्। सचिनले ट्विटरमा लेखेका छन्, ‘आईसीसीको हल अव् फेममा सामेल भएकोले म अत्यधिक खुशी छु। आज म जे जस्तो छु, त्यसमा धेरै मानिसको योगदान छ।’
उनले थप भनेका छन्, ‘यसका लागि मेरा परिवार, साथीसङ्गी र दुनियाँभरिका प्रशंसकहरूलाई धेरै धेरै धन्यवाद। क्याथरिन फिट्जप्याट्रिक र एलन डोनाल्डलाई पनि धेरै बधाई।’
2013 को नोभेम्बर महिनामा क्रिकेटबाट संन्यास लिएका सचिन तेन्दुलकरले टेस्टमा 15921 र वानडेमा 18426 रन बनाएकाछन्। जुन विश्व रेकर्ड हो। उनको यो रेकर्डलाई अहिलेसम्म कसैले तोड़्न सकेका छैनन्। आईसीसीको हल अव् फेममा सामेल हुने सचिन भारतका छैटौं भारतीय हुन्।
