नयाँ दिल्ली, २० सेप्टेम्बरः पश्चिम बङ्गाल भाजपाका प्रदेश अध्यक्ष डा. सुकान्त मजुमदार बनेका छन्। उनी बालुरघाटका सांसद पनि हुन्।
आज उनलाई बङ्गाल भाजपाका अध्यक्ष पदमा नियुक्ति गरिएको हो।
राष्ट्रिय महासचिव एवं मुख्यालय प्रभारी अरुण सिंहद्वारा जारी सङ्गठनात्मक नियुक्ति –पत्रमा भनिएको छ-भारतीय जनता पार्टीका राष्ट्रिय अध्यक्ष जगत् प्रकाश नड्डाले डा. सुकान्त मजुमदार सांसदलाई पश्चिम बङ्गाल भारतीय जनता पार्टीका प्रदेश अध्यक्ष नियुक्त गरेका छन्। यो नियुक्ति तत्काल प्रभावी हुनेछ।
अर्कोतिर निवर्तमान अध्यक्ष दिलीप घोषलाई भाजपाका राष्ट्रिय उपाध्यक्ष नियुक्त गरिएको छ।
