सिलगढ़ी, 20 अक्टोबरः 6 दिने आधिकारिक भ्रमणमा मुख्यमन्त्री ममता ब्यानर्जी सोमवार दिउँसो बाघडुग्रा हवाईअड्डा आइपुग्नेछिन।
उनले यसअवधि सिलगढ़ी र खरसाङमा विभिन्न कार्यक्रममा भाग लिने कार्यक्रम रहेको छ। सोमवार उनले सिलगढ़ी पुलिसद्वारा दार्जीलिङ मोड़ नजिक कमिसनेट ग्राउण्डमा आयोजना गर्ने विजय सम्मेलनमा सहभागिता जनाउने कार्यक्रम रहेको छ।
22 अक्टोबरमा अलिपुरद्वार, कोचबिहार र जलपाइगढ़ीका जिल्ला अधिकारीहरूको बैठकमा भाग लिने कार्यक्रम रहेको छ भने यसै दिन उनी खरसाङ जानेछिन्।
23 अक्टोबरमा कालेबुङ र दार्जीलिङका जिल्ला अधिकारीहरूको सभामा भाग लिने कार्यक्रम छ। 25 अक्टोबरमा मुख्यमन्त्री कोलकाता फर्किनेछिन्।
